નીચે સમાવિષ્ટ સરકારી એજન્સીઓ ન્યુઝીલેન્ડમાં રાષ્ટ્રીય સુરક્ષા અને તમારા અધિકારોનું રક્ષણ કરવા માટે જવાબદાર છે. આ માહિતી તેઓ શું કરે છે અને તેઓ તમને કેવી રીતે ટેકો આપી શકે છે તેના વિશે છે. તમે વિદેશી હસ્તક્ષેપની જાણ ન્યુઝીલેન્ડ પોલીસ અને ન્યુઝીલેન્ડ સિક્યોરિટી ઇન્ટેલિજન્સ સર્વિસ (NZSIS) ને કરી શકો છો. રિપોર્ટિંગ વિશે વધુ જાણવા માટે જુઓ: How to report foreign interference.

New Zealand Police | Ngā Pirihimana o Aotearoa

ન્યુઝીલેન્ડ પોલીસ એવી સેવાઓ પૂરી પાડે છે જે સુનિશ્ચિત કરે છે કે લોકો તેમના ઘરોમાં, આપણા રસ્તાઓ પર અને તેમના સમુદાયોમાં સુરક્ષિત રહી શકે અને સલામતી અનુભવી શકે. પોલીસ ગુના અને નુકસાનને લક્ષ્ય બનાવવા અને અટકાવવા માટે 24 કલાક સક્રિય રીતે કાર્યરત છે. આશરે 15,000 કર્મચારીઓ સાથે, અમે શહેરી અને ગ્રામીણ સ્ટેશનો અને મોટા પોલીસ કેન્દ્રોમાંથી કામ કરીએ છીએ.

અમે જમીન, સમુદ્ર અને હવામાં કાર્ય કરીએ છીએ, અને દર વર્ષે 1.3 મિલિયનથી વધુ ઘટનાઓનો જવાબ આપીએ છીએ - જેમાં 925,000 થી વધુ 111 કૉલ્સ અને 743,000 થી વધુ નોન-ઇમરજન્સી કૉલ્સનો જવાબ આપીએ છીએ.

પોલીસ સ્ટાફ ન્યુઝીલેન્ડમાં દરેકને મદદ કરવા અને રક્ષણ આપવા માટે તાલીમ પામેલા છે. પોલીસ સેવાઓ એવી રીતે પૂરી પાડવામાં આવે છે જે માનવ અધિકારોનો આદર કરે છે અને સ્વતંત્ર અને નિષ્પક્ષ રીતે પૂરી પાડવામાં આવે છે.

પોલીસની મુખ્ય ભૂમિકાઓમાં ગુના અને માર્ગ અકસ્માતોને અટકાવવા, તપાસ કરવા, ઉકેલવા અને ઘટાડવાનો સમાવેશ થાય છે. પોલીસની કામગીરીમાં નીચેની બાબતો સામેલ છેઃ

• શાંતિ જાળવી રાખવી
• જાહેર સલામતી જાળવવી
• કાયદાનું અમલીકરણ
• ગુના નિવારણ
• સામુદાયિક સમર્થન અને આશ્વાસન
• રાષ્ટ્રીય સુરક્ષા
• ન્યુઝીલેન્ડની બહાર પોલીસની પ્રવૃત્તિઓમાં ભાગ લેવો
• કટોકટી વ્યવસ્થાપન.

વંશીય સંપર્ક અધિકારીઓ

પોલીસ વિવિધતાને મહત્વ આપે છે અને દેશભરમાં વંશીય સંપર્ક અધિકારીઓ રાખીને વંશીય સમુદાયોને ટેકો આપે છે. તેઓ સમુદાયો સાથે કામ કરે છે, જેથી તેઓ પોલીસ સેવાઓને સમજી અને ઍક્સેસ કરી શકે, સમુદાયની સમસ્યાઓ વિશે પોલીસને માહિતી પૂરી પાડે અને વંશીય સમુદાયો સાથે સંકળાયેલા ગુનાઓની તપાસ અને તેને અટકાવવા માટે પોલીસ સાથે કામ કરે.

અમારો સ્ટાફ હંમેશાં તમારી સમસ્યાઓ સાંભળવા અને સલામતીમાં સુધારો કરવા તમારી સાથે મળીને કામ કરવા તૈયાર રહે છે.

જો તમને વ્યક્તિગત રીતે અથવા ઓનલાઇન ધમકીઓ આપવામાં આવે છે જે તમને તમારા માટે અથવા અન્ય લોકો માટે ભયભીત બનાવે, તો કૃપા કરીને પોલીસનો સંપર્ક કરો. આમાં એવી કોઈ પણ ઘટનાનો સમાવેશ થાય છે જે જાતિ, આસ્થા, જાતીય અભિગમ, લિંગ ઓળખ, વિકલાંગતા અથવા ઉંમરના આધારે દુશ્મનાવટથી પ્રેરિત હોઈ શકે છે.

ન્યુઝીલેન્ડના બધા લોકોએ તેમના આસપાસના વાતાવરણથી વાકેફ રહેવું જોઈએ અને શંકાસ્પદ અથવા અસામાન્ય વર્તનની જાણ અધિકારીઓને કરવી જોઈએ.

111 પોલીસ કટોકટી:

111 પર કૉલ કરો અને પોલીસ માટે પૂછો જ્યારે:

• લોકો ઘાયલ થાય અથવા જોખમમાં હોય; અથવા
• જીવન અથવા સંપત્તિ માટે ગંભીર, તાત્કાલિક અથવા નિકટવર્તી જોખમ હોય; અથવા, કોઈ ગુનો થઈ રહ્યો હોય અથવા હમણાં જ કરવામાં આવ્યો હોય અને અપરાધીઓ હજી પણ ઘટના સ્થળે છે અથવા હમણાં જ ચાલ્યા ગયા છે.

105 પોલીસ નોન-ઇમરજન્સી રિપોર્ટિંગ:

જો માહિતી સમય-નિર્ણાયક ન હોય, તો લોકો તેમની સ્થાનિક પોલીસને શંકાસ્પદ અથવા અસામાન્ય વર્તનની જાણ આ રીતે કરી શકે છે:

• 105.police.govt.nz પર ઓનલાઇન રિપોર્ટ પૂર્ણ કરવો અથવા ન્યુઝીલેન્ડ પોલીસના નોન-ઇમરજન્સી નંબર  105 પર ફોન કરવો
• તેમના નજીકના  પોલીસ સ્ટેશનની મુલાકાત લેવી
• 0800 555 111  પર ક્રાઈમ સ્ટોપર્સને કૉલ કરવો

જો તમારે પોલીસ સાથે વાત કરવાની જરૂર હોય, તો કોઈપણ મોબાઇલ અથવા લેન્ડલાઇન પરથી 105 પર કૉલ કરો. આ નિઃશુલ્ક રાષ્ટ્રવ્યાપી સેવા છે જે 24/7 ઉપલબ્ધ છે. જો તમે 105 નો સંપર્ક ન કરી શકો, તો કૃપા કરીને https://www.police.govt.nz/use-105 પર અમારો ઓનલાઇન સંપર્ક કરો.

New Zealand Security Intelligence Service | Te Pā Whakamarumaru

ન્યુઝીલેન્ડ સિક્યુરિટી ઇન્ટેલિજન્સ સર્વિસ (NZSIS) એ ન્યુઝીલેન્ડની સ્થાનિક સુરક્ષા ગુપ્તચર એજન્સી છે. તેનું લક્ષ્ય ન્યુઝીલેન્ડ અને અહીં રહેતા દરેક વ્યક્તિને સલામત અને સુરક્ષિત રાખવાનું છે.

NZSIS એક જાહેર સેવા વિભાગ છે જે ન્યુઝીલેન્ડની રાષ્ટ્રીય સુરક્ષા માટેની જોખમોની તપાસ કરે છે. આનો અર્થ એ છે કે ન્યુઝીલેન્ડને મુક્ત, ખુલ્લા અને લોકશાહી સમાજ તરીકે સુરક્ષિત રાખવું. તે ન્યુઝીલેન્ડના આંતરરાષ્ટ્રીય સંબંધો અને આર્થિક સુખાકારીની સુરક્ષામાં પણ મદદ કરે છે.

તે ન્યુઝીલેન્ડની સ્થાનિક સુરક્ષા એજન્સી છે અને માનવ ગુપ્ત માહિતી માટે નેતૃત્વ કરે છે. આનો અર્થ એ કે તે વિવિધ લોકો સાથે વાત કરીને માહિતી એકત્રિત કરે છે. NZSIS દ્વારા ઉત્પાદિત ગુપ્ત માહિતી સરકાર અને અન્ય નીતિ નિર્માતાઓને સારા નિર્ણય લેવામાં મદદ કરવા માટે પૂરી પાડવામાં આવે છે.

NZSIS નું બીજું કાર્ય સરકારી એજન્સીઓ અને અન્ય લોકોને તેમના લોકો, માહિતી અને સંપત્તિઓને રાષ્ટ્રીય સુરક્ષાના જોખમોથી સુરક્ષિત રાખવામાં મદદ કરવાનું છે.

NZSIS માટે ધ્યાન કેન્દ્રિત કરવાના મુખ્ય ક્ષેત્રો આ મુજબ છે:

• વિદેશી હસ્તક્ષેપ, જેમાં બળજબરીપૂર્વક વિદેશી રાષ્ટ્ર પ્રવૃત્તિ દ્વારા વંશીય સમુદાયોને નિશાન બનાવવાનો સમાવેશ થાય છે.
• જાસૂસી
• હિંસક ઉગ્રવાદ અને આતંકવાદ

NZSIS એ ન્યુઝીલેન્ડ પોલીસ અને ગવર્નમેન્ટ કોમ્યુનિકેશન સિક્યોરિટી બ્યુરો (GCSB) જેવા સ્થાનિક ભાગીદારો સાથે મળીને કામ કરે છે. તે તેના મિશનના ભાગરૂપે સમુદાયો, ઇવી માઓરી, સ્થાનિક સરકાર, શિક્ષણ ક્ષેત્ર, વ્યવસાયો અને સંગઠનો સાથે પણ કામ કરે છે.

તે ઇન્ટેલિજન્સ એન્ડ સિક્યુરિટી એક્ટ 2017 નામના કાયદા હેઠળ કાર્ય કરે છે, જે ખાતરી કરે છે કે NZSIS કાયદેસર રીતે કાર્ય કરે, રાજકીય રીતે તટસ્થ હોય અને માનવ અધિકારોની જવાબદારીઓનું પાલન કરતી હોય. NZSIS એ ન્યુઝીલેન્ડ સરકાર દ્વારા નિર્ધારિત ગુપ્તચર પ્રાથમિકતાઓ અનુસાર કામ કરવું આવશ્યક છે.

NZSIS કોઈની ધરપકડ કે અટકાયત કરી શકતું નથી, અને તે લોકોની આસ્થા, રાષ્ટ્રીયતા અથવા કાયદેસર વિરોધ પ્રવૃત્તિમાં સામેલ થવા બદલ તપાસ કરતું નથી.

તમામ જાહેર સેવા વિભાગોની જેમ, NZSIS એ લોકપાલ, પ્રાઈવસી કમિશનર, ઓફિસ ઓફ ધ ઓડિટર-જનરલ અને પબ્લિક સર્વિસ કમિશનને જવાબદાર છે.

NZSIS એ  ઇન્સ્પેક્ટર-જનરલ ઓફ ઇન્ટેલિજન્સ એન્ડ સિક્યુરિટી દ્વારા સશક્ત, સ્વતંત્ર દેખરેખને પણ આધીન છે. તેઓ કાયદેસર અને યોગ્ય રીતે કાર્ય કરતા હોય તે ખાતરી કરવા માટે તેમની ભૂમિકા ફરિયાદોની તપાસ કરવાની અને ગુપ્તચર એજન્સીઓ વિશે પૂછપરછ કરવાની છે. NZSIS ન્યુઝીલેન્ડની સંસદ અને મંત્રીઓને પણ જવાબદાર છે.

વધુ જાણો Home | New Zealand Security Intelligence Service પર
જાણકાર રહો Engagement | New Zealand Security Intelligence Service
સમસ્યાની જાણ કરો Reporting a national security concern

Government Communications Security Bureau | Te Tira Tiaki

ગવર્નમેન્ટ કોમ્યુનિકેશન સિક્યોરિટી બ્યુરો (GCSB) નવી સિગ્નલ ઇન્ટેલિજન્સ માટે ન્યુઝીલેન્ડની અગ્રણી એજન્સી છે. આનો અર્થ એ છે કે ઇલેક્ટ્રોનિક સંદેશાવ્યવહારથી મેળવેલી બાતમી.

આ ગુપ્ત માહિતી સરકારી એજન્સીઓને તેમની કામગીરી અને નિર્ણય લેવામાં ટેકો આપવા માટે પૂરી પાડવામાં આવે છે. GCSB વિદેશી ભાગીદારો, ખાસ કરીને ઓસ્ટ્રેલિયા, યુનાઇટેડ સ્ટેટ્સ, યુનાઇટેડ કિંગડમ અને કેનેડા પાસેથી પણ ગુપ્ત માહિતી મેળવે છે. GCSB અને વિદેશી ગુપ્તચર માહિતીનું આ સંયોજન ન્યુઝીલેન્ડને વિશ્વને સમજવામાં અને રાષ્ટ્રીય સુરક્ષા જોખમોનું સંચાલન કરવામાં મદદ કરે છે.

GCSB એ નેશનલ સાયબર સિક્યોરિટી સેન્ટર (NCSC) દ્વારા સાયબર સુરક્ષા માટે મુખ્ય કાર્યકારી એજન્સી પણ છે, જે GCSB ની અંદર એક વ્યવસાય એકમ છે. NCSC સમગ્ર ન્યુઝીલેન્ડને - વ્યક્તિઓથી લઈને નાના અને મધ્યમ વ્યવસાયો અને સંસ્થાઓ, મોટા સાહસો, સરકાર અને રાષ્ટ્રીય સ્તરે મહત્વપૂર્ણ સંસ્થાઓને સાયબર સુરક્ષા સેવાઓ પૂરી પાડે છે.

Own Your Online એ NCSC ની વેબસાઇટ છે જે વ્યક્તિઓ અને નાનાથી મધ્યમ વ્યવસાયો માટે સાયબર સુરક્ષા સલાહ અને માર્ગદર્શન પૂરું પાડવા પર કેન્દ્રિત છે. સાયબર સુરક્ષા ઘટનાની જાણ કરવા માટે, Own Your Online અથવા National Cyber Security Centre ની મુલાકાત લો.

GCSB એ ન્યુઝીલેન્ડ સિક્યુરિટી ઇન્ટેલિજન્સ સર્વિસ (NZSIS) ) સાથે નજદીકી સહયોગથી કામ કરે છે. NZSIS ન્યુઝીલેન્ડની રાષ્ટ્રીય સુરક્ષા પ્રત્યેના જોખમોની તપાસ કરે છે જેમાં ન્યુઝીલેન્ડની લોકશાહીનું રક્ષણ, વિદેશી હસ્તક્ષેપના જોખમો અને તમામ લોકોના મુક્તપણે જીવવા અને બોલવાના અધિકારનો સમાવેશ થાય છે.

ઘણા બધા રક્ષણાત્મક પગલાં છે જે ખાતરી કરે છે કે GCSB હંમેશાં ન્યુઝીલેન્ડના કાયદા અને માનવ અધિકારોની જવાબદારીઓ અનુસાર કાર્ય કરે છે.

GCSB ઇન્ટેલિજન્સ અને સુરક્ષા અધિનિયમ 2017 હેઠળ તેના કાર્યો કરે છે, જે ન્યુઝીલેન્ડને એક મુક્ત, ખુલ્લા અને લોકશાહી સમાજ તરીકે સુરક્ષિત કરતો એક કાયદો છે.

GCSB એક જાહેર સેવા વિભાગ છે અને, બધી સરકારી એજન્સીઓની જેમ, લોકપાલ, ગોપનીયતા કમિશનર, ઓડિટર-જનરલનું કાર્યાલય અને જાહેર સેવા આયોગને જવાબદાર છે.  GCSB ઇન્સ્પેક્ટર-જનરલ ઓફ ઇન્ટેલિજન્સ એન્ડ સિક્યુરિટી દ્વારા સશક્ત, સ્વતંત્ર દેખરેખને પણ આધીન છે.  ઇન્સ્પેક્ટર-જનરલ ગુપ્તચર એજન્સીઓ સામેની ફરિયાદોની તપાસ કરે છે અને તેઓ કાયદેસર અને યોગ્ય રીતે કાર્ય કરે છે કે નહીં તે ચકાસવા માટે સમીક્ષાઓ અને પૂછપરછ કરે છે. GCSB એ ન્યુઝીલેન્ડની સંસદ અને મંત્રીઓને પણ જવાબદાર છે.

GCSB માટે લગભગ 600 લોકોનો સ્ટાફ કામ કરે છે. તેઓ ન્યુઝીલેન્ડના સમગ્ર સમાજમાંથી લેવામાં આવે છે અને વિવિધ ભૂમિકાઓમાં કામ કરે છે. GCSB ની એક જાહેર વેબસાઇટ www.gcsb.govt.nz છે જે તેના કાર્ય વિશે વધુ સમજાવે છે.

Human Rights Commission | Te Kāhui Tika Tangata

ટે કહુઈ ટીકા ટાંગટા માનવ અધિકાર પંચ એ ન્યુઝીલેન્ડની રાષ્ટ્રીય માનવ અધિકાર સંસ્થા (NHRI) છે. "હે વાકામાના ટાંગટા. બધા માટે ગૌરવપૂર્ણ જીવન" એ અમારું સૂત્ર છે અને અમે બધા ન્યુઝીલેન્ડવાસીઓના માનવ અધિકારોનું રક્ષણ અને સશક્તિકરણ કરીને અને ટીરીટી o વૈતાંગી અમારા દરેક કાર્યમાં સમાવિષ્ટ છે તેની ખાતરી કરીને તેને અમલમાં મૂકીએ છીએ.

માનવ અધિકાર આયોગમાં ચાર કમિશનરો, સ્વદેશી અધિકારો શાસન ભાગીદાર અને ઓકલેન્ડ, વેલિંગ્ટન અને ક્રાઇસ્ટચર્ચમાં આશરે 60 વ્યક્તિઓનો સ્ટાફ છે.

અમે ઘણા પ્રકારે માનવ અધિકારોને પ્રોત્સાહન આપીએ છીએ અને તેનું રક્ષણ કરીએ છીએ.  આમાંથી એક અમારી મુક્ત અને ગોપનીય સેવાઓ દ્વારા માનવ અધિકાર અધિનિયમ 1993 હેઠળ ગેરકાયદેસર ભેદભાવ વિશેની ફરિયાદોને દૂર કરવામાં લોકોને મદદ કરવા માટે છે.

અમારા કેસ સલાહકારો અને મધ્યસ્થીઓ માહિતી પૂરી પાડવા, વહેલાસર નિરાકરણને ટેકો આપવા અને વિવાદ નિવારણ સેવાઓ પ્રદાન કરવા માટે લોકો સાથે કામ કરે છે. અમારી સેવાઓ નિઃશુલ્ક અને ગોપનીય છે. અમે ફરિયાદોની તપાસ કરતા નથી અથવા કાયદાનો ભંગ થયો છે કે કેમ તે નિર્ધારિત કરતા નથી.

જો તમને લાગે કે તમારી જાતિ, ધર્મ, લિંગ, લિંગ અભિવ્યક્તિ, જાતીય અભિગમ, અપંગતા અથવા અન્ય કોઈ વ્યક્તિગત લાક્ષણિકતાને કારણે
તમને ભેદભાવનો સામનો કરવો પડ્યો છે, તો તમે ફરિયાદ કરી શકો છો.

જો તમને જાતીય સતામણી, અનિચ્છનીય જાતીય વર્તણૂકનો અનુભવ થયો હોય, અથવા જો કોઈ તમારા જાતીય અભિગમ અથવા લિંગ અભિવ્યક્તિને બદલવાનો પ્રયાસ કરી રહ્યું હોય, તો તમે ફરિયાદ પણ કરી શકો છો.

ભેદભાવ કોઈપણ વ્યક્તિ તરફથી હોઈ શકે છે, જેમ કે નોકરીદાતા, દુકાનદાર, શિક્ષક, અથવા કોઈ સંસ્થા અથવા સેવા જેમ કે રેસ્ટોરન્ટ અથવા સરકારી સંસ્થા તરફથી.

માનવ અધિકાર પંચને ફરિયાદ કરવી તે નિઃશુલ્ક અને ગોપનીય છે. ફરિયાદ કરવા વિશે વધુ જાણવા માટે, અમારી વેબસાઇટ tikatangata.org.nzની મુલાકાત લો.

ટે રીઓ માઓરી, સમોઅન, ટોંગન, પરંપરાગત ચાઇનીઝ, સરળ ચાઇનીઝ અને હિન્દીમાં માહિતી ઉપલબ્ધ છે, તેમજ સરળ વાંચન,
બ્રેઇલ ફાઇલ, મોટા પ્રિન્ટ અને ઓડિયો જેવા સુલભ ફોર્મેટમાં ઉપલબ્ધ છે.

"હે વાકામાના ટાંગટા.
તમામ માટે ગૌરવપૂર્ણ જીવન.

Ombudsman | Kaitiaki Mana Tangata

જ્યારે લોકોને કેન્દ્ર સરકાર અને સ્થાનિક સરકાર સહિત સરકારી એજન્સીઓ સાથે સમસ્યાઓ હોય ત્યારે લોકપાલ મદદ કરી શકે છે. ઉદાહરણ તરીકે, સામાજિક વિકાસ મંત્રાલય, ઇમિગ્રેશન ન્યુઝીલેન્ડ, તમારા બાળકની શાળા અને તમારી સ્થાનિક કાઉન્સિલ.

લોકપાલને પૂછપરછ અથવા ફરિયાદ કરવી નિઃશુલ્ક છે અને દરેક માટે ઉપલબ્ધ છે.

જો તમને લાગે કે કોઈ સરકારી એજન્સીએ એવા કાર્યો કર્યા છે અથવા નિર્ણયો લીધા છે જેનાથી તમે નાખુશ છો, જે તમને અન્યાયી, ગેરવાજબી અથવા ખોટા લાગે છે, તો તમે લોકપાલને ફરિયાદ કરી શકો છો. તમારી ફરિયાદ પર કાળજીપૂર્વક વિચારણા કરવામાં આવશે. લોકપાલ તમને સૌપ્રથમ એજન્સીને ફરિયાદ કરવાનું કહી શકે છે અને તે કેવી રીતે કરવું તે અંગે સલાહ આપી શકે છે. લોકપાલ તમને તમારી સમસ્યાઓ વ્યક્ત કરવાની અન્ય કોઈપણ રીતો વિશે કહી શકે છે. લોકપાલ તમારી ફરિયાદનું નિરાકરણ લાવવામાં અથવા તેની તપાસ કરવામાં પણ મદદ કરી શકે છે.

જો કોઈ સરકારી એજન્સી તમને માહિતી આપવાનો ઇનકાર કરે તો પણ તમે લોકપાલને ફરિયાદ કરી શકો છો.

લોકપાલ એવા લોકોને પણ મદદ કરે છે જેઓ તેમના કાર્યસ્થળ પર ગંભીર ગેરરીતિઓ જાહેર કરવા માગતા હોય, અથવા જેમને ખુલાસો કરતી વખતે તેમની સુરક્ષા કેવી રીતે કરવામાં આવશે તે અંગે સલાહની જરૂર હોય છે. લોકપાલ ખુલાસાઓની તપાસ કરી શકે છે અથવા તેમને ધ્યાન પર લેવા માટે 'યોગ્ય સત્તા' ને મોકલી શકે છે.

લોકપાલનો સંપર્ક કરવા બદલ તમે મુશ્કેલીમાં મુકાશો નહીં. લોકપાલે તમારી સમસ્યા વિશે બીજા કોઈને કહેવું જોઈએ નહીં, સિવાય કે તેને ઉકેલવામાં મદદ મળે તે માટે આમ કરવું જરૂરી હોય.

લોકપાલ સ્વતંત્ર છે અને કાનૂની સલાહ આપતા નથી, કે વકીલ કે એજન્ટ તરીકે કાર્ય કરતા નથી.

સંપર્કમાંરહેવું

જો તમને કોઈ પ્રશ્નો હોય અથવા ફરિયાદ કરવા માગતા હો, તો તમે લોકપાલનો સંપર્ક કરી શકો છો.

• નિઃશુલ્કફોન: 0800 802 602
• લોકપાલનીવેબસાઇટપરફરિયાદફોર્મદ્વારાઓનલાઇન મુલાકાત લો: https://www.ombudsman.parliament.nz/ અને 'સહાય મેળવો (જાહેર જનતા માટે)' પર ક્લિક કરો.
• ઈમેઈલ:   info@ombudsman.parliament.nz
• પોસ્ટ: ધઓમ્બડ્સમેન, પીઓબોક્સ 10152, વેલિંગ્ટન 6143

Ombudsman website પર વિવિધ ભાષાઓ અને ફોર્મેટ્સમાં શ્રેણીબદ્ધ સહાયક સંસાધનો અને પ્રકાશનો ઉપલબ્ધ છે.

આ માહિતી ડાઉનલોડ કરો

• ન્યુઝીલેન્ડનીસરકારીએજન્સીઓવિશેમાહિતી [PDF, 634KB]
• ન્યુઝીલેન્ડનીસરકારીએજન્સીઓવિશેમાહિતી [DOCX, 266KB]